KAUKI KUFANYA JUBILEI YA KUTIMIZA MIAKA 10, KUELEKEA MKUTANO MKUU WA KUMI WA KAUKI-KIDAMALI, IRINGA

KAUKI KUFANYA JUBILEI YA KUTIMIZA MIAKA 10, KUELEKEA MKUTANO MKUU WA
KUMI WA KAUKI-KIDAMALI, IRINGA

Umoja wa Ukoo wa Kivenule (KAUKI) unatarajia kufanya Jubilee ya Miaka
10 wakati wa Mkutano Mkuu wa Kumi wa KAUKI utakaofanyika Kidamali,
Iringa mnamo tarehe 28-29, 2014.

Jubilei ya Miaka Kumi inafanyika kwa mara ya kwanza toka kuanzishwa
kwa umoja huu mwaka 2005, Kidamali, Iringa. Sambamba na kufanyika kwa
Jubilei hiyo, pia KAUKI itakuwa inafanya Mkutano Mkuu wa 10 tangu
kuanzishwa kwake.

Akizungumza na mwandishi wa Blogu hii, Katibu Mkuu wa KAUKI Ndugu Adam
Alphonce Sigatambule Kivenule, alibainisha kuwa, ni kweli tumefikisha
miaka kumi na tarehe hiyo ya Mkutano Mkuu itakuwa pia siku ya Jubilei
yetu.

HISTORIA YA KAUKI
Umoja wa Ukoo wa Kivenule (KAUKI), ulianzishwa tarehe 18 Desemba 2005
wakati wa Mkutano Mkuu wa Kwanza wa KAUKI uliofanyika Kijijini
Kidamali. KAUKI ilianzishwa kutokana na mashauriano ya Ndugu watatu,
yaani Faustino Sigatambule Kivenule, Christian John Kivenule na Adam
Alphonce Kivenule.

Ndugu hawa watatu baada ya kubaini mapungufu yaliyokuwapo ndani ya
Ukoo wa Kivenule, waliamua kuungusha nguvu zao na kisha kuushirikisha
ukoo kuhusiana na adhima yao ya kutaka kuirudisha jamii ya ukoo wa
Kivenule kuwa pamoja.

Mkutano Mkuu wa Kwanza wa Mashauriano ulifanyika Jijini Dar es Salaam,
mnamo tarehe 06 Februari 2005 katika Ukumbi wa Riverside uliopo eneo
la Ubungo, ambapo ndugu zaidi ya 15 walihudhuria.

Matokeo ya Kikao hiki yaliazimia kwa kauli moja, kulishirikisha wazo
la kuandaliwa kwa MKUTANO MKUU WA KWANZA WA UKOO, kwa ndugu zao
wanaoishi maeneo ya Magubike, Kidamali, Nyamihuu, Ilalasimba, Idete,
Ibogo, Nzihi na Iringa Mjini.

Kukubalika kwa wazo hili ndiko kulikopelekea kufanyika kwa Mkutano
Mkuu wa Kwanza wa Ukoo wa Kivenule, mnamo tarehe 17 -18 Desemba 2005,
Kijijini Kidamali, Mkoani Iringa.

Tokea wakati huo, Mikutano ya KAUKI imekuwa ikifanyika kila mwaka.
Takwimu zilizopo zinaonesha kuwa, Mikutano 9 ya KAUKI imefanyika
maeneo mbalimbali ya Kanda za KAUKI kama inaoneshwa hapa chini:
Kanda ya Kidamali – Mikutano ya KAUKI 3
Kanda ya Magubike – Mikutano 2
Kanda ya Irore – Mkutano 1
Kanda ya Nduli – Mkutano 1
Kanda ya Mufindi – Mkutano 1
Kanda ya Dar es Salaam – Mkutano 1

Kwa KAUKI haya ni matokeo ya Kujivunia kwa sababu siyo rahisi
kufanyika kwa mikutano ya namna kutokana na kuwa na gharama kubwa.

MAFANIKIO YA KAUKI
KAUKI imefanikiwa kufanya yafuatayo kwa maendeleo ya wana-ukoo. Kwa mfano,
Imeanzisha Blogu zake kwa ajili ya upashanaji habari. Anuani za blogu hizo ni:
http://www.tagumtwa.blogoak.com
http://www.kauki-kauki.blogspot.com
http://www.tagumtwafoundation.wetpaint.com

Hali kadhalika, blogu inayomilikiwa na ndugu Adam Kivenule, ambaye pia
ni Katibu Mkuu wa KAUKI imekuwa ikisaidia katika suala nzima
usambazaji na upashanaji wa habari za KAUKI. Anuani ya blogu hiyo ni:
http://www.adamkivenule.blogspot.com
KAUKI pia imefanikiwa kufungua Ukurasa wa Facebook wenye anuani ifuatayo:
http://www.facebook.com/kivenule
KAUKI pia imefungua ukurasa wa TWITTER http://www.twitter.com/kivenule
Sambamba na mafanikio hayo, kwa sasa KAUKI ipo katika mchakato wa
kufungua ofisi yake KAUKI huko Kidamali, Iringa.

Hali kadhalika, unaweza kuwasiliana na viongozi wa KAUKI au ofisi ya
KAUKI kwa kutumia anuani zifuatazo:
kauki2006@gmail.com
tagumtwa@gmail.com
tagumtwa.kauki@gmail.com
kivenule@gmail.com
kivenule@live.com

Kuna masuala mengi ambayo bado yanaendelea kushuhudiwa na wana-KAUKI,
pamoja na jamii kwa ujumla. Mafanikio ya Ujumla ni kuendelea kufanyika
kwa mikutano mikuu ya KAUKI katika kanda zake. Hali kadhalika mwitikio
na ushiriki wa Wana-KAUKI katika mikutano hiyo ni mafanikio tosha.

Kuelekea kufanyika kwa Jubilei ya KAUKI, mambo mengi yanatarajiwa
kufanyika kwa lengo la kuhakikisha kuwa, Mkutano Mkuu wa KAUKI unafana
na kufanikiwa.